Баррасии ҳолат ва рушди соҳаи кишоварзӣ

Декабрь 25, 2014 11:16

Душанбе, 25.12.2014.(АМИТ «Ховар», Раъно Нусратуллозода).- Бо ташаббуси раёсати илм ва кафедраи иқтисод ва идораи Донишкадаи молия ва иқтисоди Тоҷикистон (ДМИТ) 23 декабри соли равон дар мавзӯи «Ҳолат ва рушди соҳаи кишоварзии Тоҷикистон ва таъмини аҳолии мамлакат бо маҳсулоти озуқаворӣ» мизи мудаввар доир гардид.
Ваҳҳоб Воҳидов, профессори кафедраи иқтисод ва идораи ДМИТ ҳолати кунунии соҳаи кишоварзии кишварро бо маълумотҳои дақиқ мавриди баррасӣ қарор дода, зикр намуд, ки соҳаи кишоварзӣ соҳаи муҳими истеҳсолоти моддӣ мебошад. Дар солҳои истиқлолияти Ҷумҳурии Тоҷикистон ва гузаштан ба иқтисодиёти бозорӣ дар натиҷаи таҷдиди колхозу совхозҳо ва дар заминаи онҳо ташкили шаклҳои нави хоҷагидорӣ даромаднокии истеҳсолоти соҳаи кишоварзиро таъмин мекунанд, илова намуд мавсуф.
Муовини вазири кишоварзии Ҷумҳурии Тоҷикистон Сиҷоуддин Исроилов бо истифода аз маълумоти оморӣ иброз дошт, ки дар соли гузашта ҳаҷми маҳсулоти умумии кишоварзӣ 16756,6 млн. сомониро ташкил намуд, аз ҷумла дар соҳаи растанипарварӣ 11502,5 млн. сомонӣ ва чорводорӣ 5254,1 млн. сомонӣ, вале ин барои таъмини амнияти озуқавории кишвар басанда нест. Дар айни замон 17 барномаи рушди соҳа тарҳрезӣ шудааст, ки татбиқи онҳо моро барои наздик шудан ба ҳадафи стратегиамон оварда мерасонад.
Ҳамчунин дар ҳамоиш намояндагони соҳа мушкилоти кишоварзонро бо овардани мисолҳои амалӣ баррасӣ ва роҳҳои бартараф намудани онҳоро пешниҳод намуданд.
 
 
 

Декабрь 25, 2014 11:16

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд