Баррасии масоил оид ба интиқоли гази табиӣ
Душанбе, 3.12.2014. (АМИТ «Ховар», Назири Назир).-1 декабри соли 2014 раиси Кумитаи ҳифзи муҳити зисти назди Ҳукумати Ҷумҳурии Тоҷикистон Хайрулло Ибодзода бо намояндагони ширкати «Trans-Najik Gas Pipeline Compani Limited» вохўрӣ намуд. Дар вохўрӣ масъалаҳои экологии марбут ба сохтмони хати интиқоли гази табиии Ҷумҳурии Туркманистон бо Ҷумҳурии Мардумии Чин мавриди баррасӣ қарор гирифтанд. Бояд зикр намуд, ки дарозии хати газгузари мазкур дар ҳудуди Ҷумҳурии Тоҷикистон 410 км-ро ташкил дода, аз ҳудуди ҷумҳуриҳои Ўзбекистон, Тоҷикистон ва Қиризистон мегузарад. Дар вохўрӣ ҷонибҳо доир ба таъсири арзёбӣ ба муҳити зист ҳангоми интиқоли хати мазкур ва масъалаҳои дигари ҳалталаби марбута, ки бояд бо риояи талаботи экологӣ сурат бигиранд, табодули афкор намуданд.