Баррасии таъсиси меҳмонхонаҳо барои сайёҳони саргузаштӣ
Душанбе, 04.12.2014 (АМИТ “Ховар”, Фарзонаи Давлат).-Имрўз раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Аҳтам Абдуллозода бо гурўҳи коршиносони Коорпаратсияи байналмилалии молиявии Бонки ҷаҳонӣ дар бахши туризм баҳри таҳлили фаъолияти соҳибкории меҳмонхонаҳо ва рушди ҳамкории минбаъда дар ин соҳа мулоқот намуд.
Тавре ки дар ин бора аз Кумитаи ҷавонон, варзиш ва сайёҳӣ хабар доданд, зимни вохўрӣ Аҳтам Абдуллозода ба коршиносони Бонки ҷаҳонӣ Камал Баракат ва Эсин Йилирим имкониятҳои туристии Тоҷикистонро вобаста ба таъсиси бизнеси меҳмонхонавӣ ва қабули бештари сайёҳони саргузаштӣ дар ҷойҳои дурдасти кишвар ва Шоҳроҳи бузурги Абрешим бо таъсиси ҷойҳои нави корӣ баҳри беҳтар намудани сифати хизматрасонӣ ба сайёҳон, сармояи баргардонидашуда арзёбӣ намуда, бонки мазкурро барои дастгирии ин лоиҳа дар Тоҷикистон даъват намуд.
Гуфта мешавад, коршиносони байналмилалӣ имкониятҳои туристии кишварро оняндадор арзёбӣ намуда, эътимод ба ҳамкории минбаъда ва таҳлили амиқи натиҷаҳои сафарро умедворкунанда арзёбӣ намуданд.
Ба иттилои манбаъ, дар назар аст дар ояндаи наздик чунин меҳмонхонаҳо дар Шоҳроҳи бузурги Абрешим сохта ва заминаи асосии ҷалби сайёҳон, ба ҳам овардани фарҳанги миллатҳо боис мегардад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






