Беэҳтиётӣ бо фоҷиа анҷомид

Душанбе, 26.12.2014. (АМИТ «Ховар», Мукаддас Темурзода).- Дирӯз соати  20:20 дақиқа  ронандаи  мошини  тамғаи  «Opel-Astra”,    шаҳрванд  Маҳмадулло Азимов,  соли таваллудаш 1987, сокини ноҳияи Данғара,  ҳангоми  ҳаракат аз самти ноҳияи Данғара ба самти шаҳри Душанбе аз уҳдаи идораи  воситаи нақлиёт набаромада, ба мошини тамғаи   «DongFeng», таҳти идораи шаҳрванд Шамсиддин Одинаев, соли таваллудаш 1981, истиқоматкунандаи шаҳри Кӯлоб бархӯрдааст. Дар натиҷа ронанда М. Азимов дар ҷойи ҳодиса ба  ҳалокат расида, мусофири дохили мошини “ Opel-Astra ”  шаҳрванд Сино Азизов, соли таваллудаш 1989, сокини ноҳияи Ваҳдат ҷароҳати ҷисмонӣ бардошта, дар беморхона бистарӣ гаштааст. Дар ин бора ВКД ҶТ иттилоъ медиҳад.