Боғҳои интенсивӣ-талаби замон

Душанбе, 30.12.2014. (АМИТ “Ховар”, Ҳотами  Шариф).- Афзоиши аҳолӣ, талаботи бозор, кам будани замини обӣ, тағйирёбии иқлими  сайёра водор менамояд, ки  барои боз ҳам самарабахш истифода бурдани майдонҳои боғу токзор тадбирҳои амалӣ андешида шаванд. Аз ҷумла, олимону мутахассисони соҳаи боғу токпарварии ҷумҳурӣ кӯшиш доранд, ки рушди соҳаи мазкурро бо таҳия ва татбиқи технологияи ҷадид ба роҳ монанд.Олимон дар асоси барномаҳои гуногуни кишоварзӣ  дар хоҷагии деҳқонии “Асадулло”-и ноҳияи Хуросон, хоҷагии деҳқонии “Нурмаҳмад”-и ноҳияи Ҳисор ва хоҷагии ниҳолпарварии “Искич”- и ноҳияи мазкур боғҳои  интенсивӣ бунёд намуданд.
Мавриди зикр аст, ки  фармони Президенти  Ҷумҳурии Тоҷикистон аз 27- уми августи соли 2009 “Дар бораи тадбирҳои иловагӣ доир ба рушди соҳаи боғу тоғпарварӣ барои солҳои 2010- 2014” пурра ва барзиёд иҷро гардид.