Бо чиптаи қалбакӣ ба зиндон рафт
Душанбе, 4.12.2014. (АМИТ «Ховар», Мавҷуда Анварӣ). — Суди шаҳри Ваҳдат сокини ин шаҳр- Дилафрӯз Алиеваро шаш сол аз озодӣ маҳрум кард.Сайти расмии суди шаҳри Ваҳдат зимни пахши ин иттилоъ менависад, ин зан корманди бахши фурӯши чиптаҳои ҳавопаймоҳо дар шаҳри Ваҳдат буда, барои фурӯши чиптаҳои қалбакӣ боздошт шудааст.Таҳқиқоти парванда дар ин замина мушаххас кард, ки вай бо омода кардани се чиптаи тақаллубии ҳавопаймо ҳудуди панҷ ҳазор сомонӣ ба даст оварда, бо ин кирдораш ба Ҳусейн Холмуродов, Умедҷон Алимардонов ва Қарахон Зоиров хисороти молӣ ворид кардааст.Судяи суди шаҳри Ваҳдат Дилафрӯз Алиеваро тибқи моддаи 67 КҶ Ҷумҳурии Тоҷикистон равонаи зиндон карда, ҳамчунин барои се сол аз ҳаққи фаъолияти соҳибкорӣ маҳрум кардааст.Д. Алиева дар зимистон ва баҳори соли ҷорӣ чиптаҳои ҳавопайморо ба се сокини кишвар фурӯхта, дар натиҷа онҳо, ки қасди парвоз ба Русияро доштанд, аз фурудгоҳи шаҳри Душанбе бозпас гардонида шудаанд.Бояд гуфт, ки ин нахустин ҳодиса дар Тоҷикистон аст, ки барои фурӯши чиптаҳои қалбакӣ нафареро равонаи зиндон мекунанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






