Боздиди Қ. Расулзода аз зеристгоҳҳои барқии Данғара

Душанбе, 05.12.2014 (АМИТ “Ховар”, Фарзонаи Давлат).-Дирўз Сарвазири мамлакат Қоҳир Расулзода  дар ноҳияи Данғараи вилояти Хатлон бо вазъи иншооти обрасон, зеристгоҳхои барқӣ ва ҷараёни  азхудкунии заминҳои нав дар ноҳия шинос шуд.
Аснои шиносоӣ асосан барои беҳдошти  вазъи  обрасонӣ дар иншооти пешбинишуда  ва дар ҳолати хуби корӣ нигоҳ доштани онҳо, инчунин      таъмини  фаъолияти бенуқсони  иншооти энергетикии ноҳия таваҷҷуҳи зарурӣ зоҳир шуд. Тавре ки таъкид гардид, тадбирҳои асосӣ барои азхудкунии заминҳои нав дар ноҳия ва бунёди иншооти дигари саноатию истеҳсолӣ амалӣ мешаванд ва барои ин бояд ҳолати  хуби кории  иншооти обрасон ва фаъолияти бенуқсони зеристгоҳҳои барқӣ таъмин   шаванд.
Аснои боздид  роҳбарияти вазорату  идораҳои дахлдор, роҳбарону масъулони вилоят ва ноҳия барои таъмини иҷрои дастуру супоришҳои Президенти Ҷумҳурии Тоҷикистон дар самти вусъати корҳои пешбинишудаи азхудкунии заминҳо ва беҳдошти ҳолати кунунии иншооти барқу обрасон  вазифадор гардиданд.