Боздиди Ш.Саид аз корхонаҳои саноатии Италиё
Душанбе, 08.12.2014. (АМИТ «Ховар», Покизаи Шодмон).- Чанде пеш раиси Палатаи савдо ва саноати Тоҷикистон Шариф Саид дар шаҳри Перуҷии Италиё аз бархе корхонаҳои саноатӣ дидан карда, бо раиси ширкати Vernipol гуфтушунид кард. Ширкати мазкур ба истеҳсоли таҷҳизоти санитарию техникии беморхонаю дармонгоҳҳо машғул аст.
Тавре ки аз ПСС ҶТ хабар доданд, Шариф Саид бо ҷараёни истеҳсоли маҳсулот муфассал шинос шуда, зикр намуд, ки Тоҷикистон хоҳони ба кишвар ворид намудани таҷҳизоти хушсифати муосири тиббӣ, аз ҷумла таҷҳизоти санитарию компютерӣ, томографҳои магнитӣ, рентгенҳои сайёр, озмоишгоҳҳои тиббӣ барои муоинаи беморон мебошад.
Раиси ПСС ҷумҳурӣ ҳамчунин бо президенти корхонаи ISA- и Италиё Ҷаноби Ҷулетти гуфтушунид намуда, бо ҷараёни истеҳсоли маҳсулот ва технологияҳо шинос шуда, изҳор дошт, ки Тоҷикистон ба таъсиси корхонаи муштараки тавлиди яхдон зарурат дорад.
Корхонаи ISA беш аз 40 сол аст, ки ба тавлиди яхдон ва таҷҳизоти он барои қаҳвахонаю тарабхона ва мағозаҳо машғул буда, дар бозори ҷаҳон мавқеъҳои пешқадамро касб намудааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






