Бунёди иншооти маданӣ дар Восеъ

Душанбе, 31.12.2014. (АМИТ “Ховар”, Рафоати Абдулҳамид).- Бо дастгирии дирексияи сохтмони иншооти ҳукуматии Дастгоҳи иҷроияи Президенти ҶТ Қасри фарҳангии ҷамоати деҳоти ба номи Миралӣ Маҳмадалиеви ноҳияи Восеъ тачдиду навсозӣ ва бо таҷҳизоти лозимӣ муҷаҳҳаз гардонида шуд. Барои тачдиду навсозии иншоот 7 миллиону 600 ҳазор сомонӣ ҷудо гардида, корҳои сохтмониро ҶДММ «Шаҳриёр- сохтмон» бо ҷалби 500 нафар мутахассис ба анчом расонид.Бояд зикр намуд, ки барои иншооти мазкур ба маблағи 356 ҳазор сомонӣ таҷҳизот харид шудааст. Дар иншоот толори маҷлисӣ барои 360 ҷои нишаст, утоқҳои корӣ, китобхонаи замонавии муҷаҳҳаз бо компютеру принтерҳо, осорхонаи қаҳрамони меҳнат Миралӣ Маҳмадалиев ҷойгир аст.