«Чиполлино» ва «Шелкунчик» дар Душанбе
Душанде, 16.12.2014. (АМИТ Ховар Рафоати Абдулҳамид),- Аз 20-ум то 30-юми декабри соли ҷорӣ дар Театри давлатии академии опера ва балети ба номи С. Айнӣ намоишномаҳои гуногун баргузор мегарданд.
Тавре ки аз театри мазкур ба хабарнигори АМИТ «Ховар» иттилоъ доданд, санаи 20-ум ва 21-уми декабр нахустнамоиши балети К.Хачатурян «Чиполлино»», аз 27-ум то 30-юми декабр балети П.Чайковский «Шелкунчик» ба намоиш гузошта мешаванд.
Гуфта мешавад, ки роҳбари бадеии намоишномаҳо Шуҳрат Ашӯров, саррежиссёр Ҳунарпешаи халқии Тоҷикистон Шамсӣ Низомов, сардирижёр А.Шоймуродов, сархормейстер Ҳунарпешаи халқии Тоҷикистон Холаҳмад Маҷидов, балетмейстр- таҳиягар М.Левитская мебошанд.