Чорабинии тарбиявӣ дар ДДХ

Душанбе, 26.12.2014. (АМИТ «Ховар», Раъно Нусратуллозода).-Дар факултаи геоэкологияи Донишгоҳи давлатии Хуҷанд (ДДХ) ба номи академик Бобоҷон Ғафуров чорабинии тарбиявӣ дар мавзӯи «Пешгирии ҳодисаҳои даст ба ҷони худ задани шаҳрвандон» бо иштироки намояндаи уламои дини вилоят Мирзоиброҳим Саидзода, устодон ва донишҷӯён баргузор гардид.
Тавре ки аз донишгоҳи мазкур иттилоъ доданд, Мирзоиброҳим Саидзода дар бораи ҳодисаҳои худкушӣ ва сабабҳои асосии он даст ба ҷони худ задани шаҳрвандон,  пеш аз ҳама бо омилҳои зӯроварӣ, хушунат ва оқибатҳои фоҷиабори он маълумот дода, ҳамчунин роҷеъ ба ақидаҳои нодурусти ҳизбҳои ифротгарои салафия, ваҳҳобия, ҳизбуттаҳрир бо далелу арқоми амиқ иттилоъ дод.