Дар 11 моҳ 21 нафар дар садама ҷон бохт
Хоруғ, 4.12.2014. (АМИТ «Ховар, Файз Мирасан).-Дар чанд моҳи охир дар роҳҳои мошингарди ВМКБ шумораи нақлиёти сиёҳшишаи бе иҷозатномаи махсуси Бозрасии давлатии автомобилӣ ва муоинаи техникӣ рӯ ба афзоиш ниҳодааст. Дар натиҷаи чунин қонунвайронкуниҳо ҳар моҳ даҳҳо садама рух дода, бар асари он одамони зиёд ё ҷароҳат мебардоранд ва ё ҷони худро аз даст медиҳанд. Дар 11 моҳи соли равон аз рӯи иттилои Маркази матуботи раёсати Вазорати корҳои дохилии вилоят дар қаламрави вилоят дар маҷмӯъ 38 садамаи нақлиётӣ ба қайд гирифта шуда, бар асари он 21 кас ба ҳалокат расид, ки бештари он ҷавон мебошад. Дар ин садамаҳои нақлиётӣ 82 нафар ҷароҳати гуногуни ҷисмонӣ бардошт. Дар ин давра даҳ ҳазору чорсаду бистуҳашт қоидавайронкунии ҳаракати роҳ муайян шуда, нисбат ба нуҳ ҳазору пансаду шаст нафар ба маблағи 224 ҳазору 410 сомонӣ ҷарима ситонда шуда, ба буҷаи давлат супурда шуд.
Нисбат ба ин гуна ронандагон протоколҳои ҳуқуқвайронкунии маъмурӣ тартиб дода шуда, воситаҳои нақлиёташон дар майдончаи ҷаримаситонӣ маҳкам данд, ки ҳоло шумораашон то ба 50 адад расидааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






