Дар Маскав маркази муҳоҷират ба кор медарояд
Душанбе, 10.12.2014. (АМИТ «Ховар», Лайло Тоирӣ).- Дар шаҳри Маскав мулоқоти роҳбари намояндагии Вазорати меҳнат, муҳоҷират ва шуғли аҳолии ҶТ дар ФР оид ба муҳоҷират Асрор Одинаев бо муовини раиси шаҳри Маскав оид ба масоили сиёсати иқтисодӣ ва амволу замин Наталя Сергунина баргузор гардид.
Ҷонибҳо масоили ҳамкорӣ дар бахши иттилоот ва ташкили аз соли 2015 барои гирифтани иҷозатномаҳои фаъолияти меҳнатӣ дар шаҳри Маскав дар маркази муҳоҷират қабул намудани шаҳрвандони Ҷумҳурии Тоҷикистонро мавриди муҳокима қарор доданд.
Назар ба хабари котиби матбуоти намояндагии Хадамоти муҳоҷирати ҶТ дар ФР Иброҳим Аҳмадов, барои иҷрои самарабахши вазифаҳои раванди ба шаҳрвандони вориди Федератсияи Русия шуда додани ҳуқуқи иҷрои фаъолияти меҳнатӣ дар шаҳри Маскав муассисаи давлатии буҷетии «Маркази муҳоҷират» ба кор шуруъ мекунад.
«Мақсади асосии маркази мазкур иборат аз таъмини шаҳрвандони хориҷӣ бо иҷозатномаҳо мебошад. Ғайр аз ин маркази мазкур шаҳрвандони хориҷиро бо хидматрасонии тиббӣ ва муайян намудани сатҳи донистани забони русӣ ва донишҳои дигар таъмин менамояд», — гуфт Наталя Сергунина.
Ба гуфтаи Асрор Одинаев, ташкили чунин марказ ба муҳоҷирони меҳнатӣ имкон медиҳад, ки дар ҷараёни қонунигардонии фаъолият вақту маблағро сарфа намоянд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






