Дастгиршавии мошиндузд дар Суғд

Хуҷанд, 2.12.2014. (АМИТ “Ховар”,Абдуаҳад Шарифзода).-Дар вилояти Суғд аз тарафи кормандони милитсияи вилоят боз як ҳодисаи рабудани мошини сабукрав ошкор шуд.Тавре ки ба АМИТ “Ховар ” корманди РВКД ҶТ дар вилояти Суғд М. Юсупов хабар дод, шоми 29 ноябри соли ҷорӣ ба шуъбаи ВКД дар шаҳри Исфара-2 сокини 25- солаи ҷамоати Чоркӯҳи шаҳри Исфара Бахтиёр Азизов бо ариза муроҷиат намудааст. Ба иттилои манбаъ, 29 ноябр, тахминан соати 17:00 шахси номаълум аз назди ҳавлии истиқоматии ӯ мошини шахсиаш, тамғаи «ВАЗ-21099», бо аломати қайди давлатии КА 2588 02 РТ-ро, ки беназорат меистод, дуздида, ба самти номаълум бурдааст.Вобаста ба ин дар натиҷаи дидани чораҳои фаврӣ-ҷустуҷӯӣ бо гумони дуздӣ ва рабудани воситаи нақлиёт шаҳрванд Даврон Бобоев, с/т 1989, истиқоматкунандаи ҷамоати деҳоти Чоркӯҳи шаҳри Исфара, ки қаблан соли 2014 бо моддаи 244 қисми 2-и КҶ ҶТ суд шудааст, боздошт гардид.Алъон вобаста ба далели мазкур нисбат ба дастгиршуда Даврон Бобоев парвандаи ҷиноятӣ оғоз гардидааст.