Дастовардҳои мактабиёни тоҷик дар олимпиадаи Авруосиё

Душанбе,  03.12.2014. (АМИТ «Ховар»,  Фарзона  Достонзода).-  2 декабр хонандагон — иштироккунандагони Олимпиадаи барномасозии  Авруосиё, ки  29 — 30  ноябр  дар  шаҳри  Алмаато  бо  иштироки  63 дастаи  макотиби фанҳои  физикаю риёзии минтақаи  Осиёи  Марказӣ   баргузор  гардид,  ба  ватан  баргаштанд. 
Тавре  ки  аз  Гимназия — интернати  «Ҳотам ва ПВ»  Тоҷикистон  ба  АМИТ «Ховар»  хабар  доданд,  дар олимпиада се  дастаи  литсейҳои Тоҷикистону  Туркия  ва  як  дастаи Гимназия — интернати  «Ҳотам ва ПВ» аз  ҷониби  кишвари  мо  иштирок доштанд.
Дар  олимпиада  дастаи  мактабиёни   гимназияи  «Ҳотам ва  ПВ» натиҷаи  беҳтарин  ба даст оварда, ҷойи  дуюмро  ишғол  намуда, хонандагони  литсейҳои Тоҷикистону  Туркия  соҳиби  медалҳои биринҷӣ  шуданд.