Эъломияи ҳусни ҳамҷаворӣ бо ҳамсоягон”: конфронс

Душaнбе, 9.12.2014. (АМИТ “Ховар”, Мавҷуда Анварӣ).- Масъалаҳои ҳамоҳангсозии фаъолияти мақомоти ҳифзи ҳуқуқи кишварҳои Осиёи Марказӣ дар соҳаи мубориза алайҳи ҷиноятҳои муташаккил, терроризми байналмилалӣ ва муомилоти ғайриқонунии маводи нашъаовар дар конфронси байналмилалии “Эъломияи ҳусни ҳамҷаворӣ бо ҳамсоягон”, ки чанде пеш дар  пойтахти Афғонистон шаҳри Кобул баргузор гардид, мавриди муҳокима қарор гирифтанд.  
Дар кори конфронс намояндагони ҳифзи ҳуқуқи Афғонистон, Эрон, Тоҷикистон, Туркманистон, Ӯзбекистон ва Қирғизистон иштирок намуданд.
Тоҷикистонро дар ин ҳамоиш сардори Раёсати Агентии назорати маводи нашъаовари назди Президенти ҶТ дар вилояти Хатлон М. Хайруллозода ва афсарони алоқаи агентӣ, ки дар Афғонистон фаъолият менамоянд, муаррифӣ намуданд.