Фаъолияти назарраси “Бонкдорӣ дар Тоҷикистон”
Душанбе, 26.12.2014. (АМИТ «Ховар», Покизаи Шодмон). — Таҷлили ҷашни фархундаи 5-солагии фаъолияти маҷаллаи “Бонкдорӣ дар Тоҷикистон” бо иштироки Раёсати Бонки миллии Тоҷикистон (БМТ), намояндагони Дастгоҳи иҷроияи Президенти Ҷумҳурии Тоҷикистон, роҳбарони ташкилотҳои қарзӣ ва муаллифони фаъоли нашрия баргузор шуд. Ба иттилои хадамоти матбуоти БМТ, дар маросими тантанавӣ фаъолияти панҷсолаи маҷалла, бурду бохти он мавриди муҳокима қарор гирифт. Аз ҷумла зикр гардид, ки аҳли қалами маҷалла тавонист дар ин муддат бо мазмуну муҳтавои баланд ва ахбори саҳеҳу саривақтӣ доираи хонандагонашро васеъ гардонад. Дар ин бора аз хадамоти матбуоти БМТ хабар доданд.