Фардо намояндагони ВАО дар КМИР ҷамъ меоянд
Душанбе, 15.12.2014.(АМИТ «Ховар», Марзия Саидзода).-Дар доираи омодагиҳо ба интихоботи парлумонӣ дар Ҷумҳурии Тоҷикистон, ки 1 марти соли 2015 аз ҷониби Президенти кишвар таъйин гардидааст, фардо дар Душанбе бо иштироки намояндагони васоити ахбори оммаи ватанию хориҷӣ мизи мудаввар доир мегардад. Созмондиҳандагони чорабинӣ Комиссияи марказии интихобот ва раъйпурсии Ҷумҳурии Тоҷикистон /КМИР/ ва Дафтари Созмони амният ва ҳамкории Аврупо /САҲА/ дар Тоҷикистон буда, интизор меравад, ки дар он ёрдамчии Президенти Ҷумҳурии Тоҷикистон оид ба масъалаҳои ҳуқуқӣ, намояндаи ваколатдори Президенти Ҷумҳурии Тоҷикистон дар Маҷлиси Олӣ Ҷумъахон Давлатов, раиси КМИР Шермуҳаммад Шоҳиён, роҳбари Дафтари САҲА дар Тоҷикистон Маркус Мюллер, раиси Иттифоқи журналистони Тоҷикистон, аъзои КМИР Акбаралӣ Сатторов доир ба масъалаҳои нақш ва мақоми ВАО дар инъикоси омодагӣ ва баргузории интихоботи парлумонӣ, тавассути ВАО ташкил кардани барномаҳои махсус доир ба шарҳи қонунгузории интихобот, тартиби ташкил кардани ташвиқоти барномаҳои пешазинтихоботии аҳзоби сиёсӣ ва номзадҳои алоҳида тавассути ВАО, тартиби аккредитатсияи намояндагони ВАО, ҳуқуқ ва уҳдадориҳои рӯзноманигорон маърӯза хоҳанд кард.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






