“Гирдбод”-бозгӯкунандаи рӯзгори Айнӣ

Душанбе, 02.12.2014. (АМИТ “Ховар” Рафоати Абдулҳамид)- Имрӯз дар Театри давлатии ҷавонони ба номи М. Воҳидов намоишномаи “Гирдбод” баргузор гардид, ки онро устодон ва донишҷӯёни Донишгоҳи миллии Тоҷикистон тамошо карданд. Намоиш асари С. Айнӣ буда, он дар бораи сарсонию саргардониҳои нависанда ҳикоят мекунад. Коргардони намоишнома Ҳунарманди шоистаи Ҷумҳурии Тоҷикистон Шавкат Халилов буда, дар он ҳунармандони театри мазкур Абдулмуъмин Шарифӣ, Зарина Бадалова, Сӯҳроб Ҷанҷолов, Бунёд Комилов, Қамариддин Мирзоев, Баҳром Обидов ва Раҳмиддин Низомов нақшофарӣ карданд.