Хуҷанд: фаъолшавии 153 коргоҳ аз оғози сол

Хуҷанд, 31.12.2014. (АМИТ “Ховар”, Абдуаҳад Шарифзода).-Дар шаҳри Хуҷанд аз оғози соли равон 153 коргоҳ ба фаъолият шуруъ кард. Тавре ки ба АМИТ “Ховар” аз дастгоҳи раиси шаҳри Хуҷанд иттилоъ доданд, теъдоди умумии корхонаҳои саноатӣ дар соли сипаришаванда фаъол шуда, нисбат ба ҳамин давраи соли гузашта 41% зиёд шудааст. Дар ин робита вобаста ба нишондиҳандаҳои иқтисодӣ иҷрои нақшаи буҷети давлатӣ 107,4% ва буҷети маҳаллӣ 107,1% таъмин шуд, ки он аз нақшаи пешбинишуда мутаносибан дар ҳаҷми 15,1 ва 5,9 миллион сомонӣ зиёд мебошад.