Хуҷанд: Ярмаркаи ҷойҳои корӣ

Душанбе, 18.12.2014. (АМИТ “Ховар”, Рафоати Абдулҳамид).- Дирӯз дар Муассисаи давлатии Қасри ҷавонони ба номи Лоиқ Шералии шаҳри Хуҷанд ярмаркаи вилоятии ҷойҳои кории холӣ баргузор гардид.Дар ярмарка Раёсати Агентии меҳнат ва шуғли аҳолӣ ва шуъбаву бахшҳои он дар шаҳру ноҳияҳои Хуҷанд, Бобоҷон Ғафуров, Қайроққум, Мастчоҳ, Спитамен, Истиқлол, Ҷаббор Расулов, Чкалов ва КВД Маркази таълимии шаҳри Хуҷанд ва филиали Маркази таълими калонсолони Тоҷикистон дар ноҳияи Бобоҷон Ғафуров иштирок намуданд.Тавре ки аз Хадамоти матбуоти раиси вилояти Суғд хабар доданд, дар ин рӯз аз ҷониби 122 ташкилоту муасиссаи шаҳру ноҳияҳои номбаршуда 1530 ҷойи кории холӣ пешниҳод шуд. Дар ярмарка ба 17 нафар шаҳрванди корҷӯй роҳхат ба кори доимӣ дода шуда, 7 нафар шаҳрванде, ки соҳибкасб шудан мехост, барои касбомӯзӣ номнавис шуд.