«Интернети оянда»-муаррифии лоиҳаи барнома

Душанбе, 9.12.2014. (АМИТ “Ховар”, Зарангези Латиф).- Бори чорум аст, ки ширкати мобилии «Мегафон-Тоҷикистон» дар ҳудуди вилояти Суғд мегафорумро миёни муассисаҳои олии вилоят доир менамояд.
Чорабинӣ дар Донишкадаи политехникии Донишгоҳи техникии Тоҷикистон доир гардида, донишҷӯёни 5 муассисаи олии вилоят- Донишгоҳи давлатии Хуҷанд, Донишкадаи политехникии Донишгоҳи техникии Тоҷикистон, Донишгоҳи ҳуқуқ, бизнес ва сиёсати Тоҷикистон, Донишкадаи иқтисод ва савдо ва Донишкадаи кӯҳӣ-металлургии шаҳри Чкалов дар мавзӯи «Интернети оянда» лоиҳаҳои барномаи худро муаррифӣ намуданд.
Дар ҷамъбасти озмун дастаи барномасозони Донишкадаи политехникӣ соҳиби ҷоми ширкати мобилии «Мегафон-Тоҷикистон» гардид. Ҳайати ҳакамон ба натиҷаи кори чор дастаи дигари муассисаҳои олии вилоят я хел баҳо дод. Яъне, зинаҳои баъдиро ҳар чор даста соҳиб шуд.
Ба ҳамаи иштирокдорони мусобиқа аз ҷониби ширкати мобилӣ туҳфаҳои хотиравӣ тақдим шуданд.