Интишори ҳикояҳои А. Абдуҷабборов дар Маскав

Душанбе, 24.12.2014. (АМИТ «Ховар», Зарангези Латиф).- Дар саҳифаҳои маҷаллаи байналхалқии адабӣ-бадеӣ ва фарҳангшиносии «Метсенат и Мир» дар зумраи асарҳои муаллифон аз Латвия, Исроил, Чин, Британия, Арманистон, Италия, Словакия, Полша, Франсия, Русия, Украина, Шри-Ланка, Германия, Испания ва Чехия се ҳикояи насрнависи тоҷик Абдуғаффор Абдуҷабборов ба табъ расидааст.
Тавре ки аз Вазорати фарҳанги кишвар хабар доданд, тарҷумаи русии ҳикояҳои «Бӯи марг», «Гуфтугӯ» ва «Васвасаи тилло»-ро Комиламо Камолова анҷом додааст.
Маҷаллаи «Метсенат и Мир» дар бештар аз 50 давлати дунё паҳн мегардад.