Иштироки намояндагони ФФТ дар семинарҳои КФО

Душанбе, 11.12.2014. (АМИТ «Ховар»).- Намояндагони Федератсияи футболи Тоҷикистон — мутахассиси пешбурди шуъбаи байналмилалии федератсия Ҷовидон Ҳасанов ва мутахассиси шуъбаи техники он Азизҷон Достиев дар семинари маърифатии Конфедератсияи футболи Осиё, ки аз 7 то 9 декабр дар пойтахти Малайзия шаҳри Куала — Лумпур баргузор гардид, иштирок намуданд.Дар шаҳри Куала — Лумпур ҳамчунин семинари Конфедератсияи футболи Осиё барои комиссарони ояндаи бозиҳо баргузор гардид, ки дар кори он роҳбари кумитаи футзали Федератсияи футболи Тоҷикистон Комрон Шодиев ва собиқ менеҷери дастаи мунтахаби миллии Тоҷикистон Нур Умаров аз ҷониби Тоҷикистон ширкат доштанд. Иштирокдорони семинар аз рӯи натиҷаи он имтиҳон супориданд. Онҳое, ки дар курсҳои омӯзишӣ муваффақ шудаанд, ба рӯйхати комиссарони Конфедератсияи футболи Осиё барои мавсими ояндаи футбол ворид гардидаанд.