Истеҳсоли сабзавот дар гармхонаҳо

Душанбе, 16.12.2014. (АМИТ «Ховар», Рафоати Абдулҳамид).-Тибқи иттилои дафтари матбуоти Вазорати кишоварзии мамлакат соли ҷорӣ дар ҷумҳурӣ  дар  83,11  гектар  гармхонаҳои  доимӣ кишти  сабзавот  гузаронида шуд, ки нисбат ба ҳамин давраи соли гузашта  40,6  гектар зиёд мебошад. Аз ҳисоби кишти умумӣ 37,38 гектарро помидор, 24,15 гектарро бодиринг ва 21,58 гектарро дигар сабзавот ташкил медиҳад. 
Ҳафтаи равон аз гармхонаҳои доимии ҷумҳурӣ ба миқдори 72,4 тонна помидор, 22,1 тонна бодиринг ва  33,1 тонна дигар сабзавот ҷамъоварӣ шудааст.
Кишоварзони  вилоятҳои Хатлон  имсол  дар  майдони  48,42  гектар,   Суғд  дар  майдони  20  гектар  ва  ноҳияҳои  тобеи  ҷумҳурӣ  дар 14,61  гектар  дар  гармхонаҳо  сабзавот  кишт  намуданд.