«Истиқлол» — ғолиби мусобиқот ба хотири ёдбуди Александр Кирсанов

Душанбе,  29.12.2014. (АМИТ «Ховар»).- 28  декабр  мусобиқоти  ҷумҳурияв оид ба футзал  ба  хотири  ёдбуди собиқ бозингари  маъруфи  дастаҳои «Помир», «Вахш» ва «Ирригатор» Александр  Кирсанов  анҷом  ёфт.
Тавре  ки  аз  Федератсияи  футболи  Тоҷикистон  хабар  доданд,  дар  мусобиқот, ки  тайи  2 ҳафта  дар  толори варзишии Агентии  «Тоҷикгосстандарт»  баргузор гардид, байни  собиқадорони  футбол  дастаи Дастгоҳи  марказии Вазорати  корҳои  дохилӣ   бо   роҳбарии  вазир  Рамазон  Ҳамро  Раҳимзода ғолиб омад.  Дастаи  мазкур  дар  вохӯрии  ниҳоӣ бо  ҳисоби  5:2  дастаи  Академияи «Истиқлол» — ро  мағлуб  сохт.  Медалҳои биринҷӣ  насиби   собиқадорони  футболи  дастаи «Ирригатор»  гардиданд. Дастаи  мазкур  бо  ҳисоби 8:4  дастаи «Авиатор» — ро  мағлуб  сохт. 
Дар вохӯрии  ниҳоии  мусобиқоти  асосӣ  дастаи «Истиқлол»  дастаи «Газпром» — ро бо  ҳисоби  5:0 мағлуб сохт.