Итолиёҳо дар Душанбе Аквапарк месозанд
Душанбе, 18.12.2014.(АМИТ «Ховар», Марзия Саидзода).- Масъалаи ҳолати ҷараёни таҳияи ҳуҷҷатҳои лоиҳавӣ-хароҷотии Аквапарки Душанбе дар меҳвари мулоқоти Маҳмадсаид Убайдуллоев-раиси шаҳри Душанбе ва Франческо Феррари -ноиби президенти ширкати итолиёвии «Preston&Barbieri» қарор дошт. Мусоҳибон бо таъкиди зарурати ҳамоҳангии фаъолияти сохторҳои марбутаи шаҳрӣ бо ин ширкати итолиёӣ қарор намуданд, ки то охири январи соли 2015 омодасозии лоиҳаи кории иншоот ва ба ташхис супоридани он ба анҷом расонида шавад. Бояд зикр кард, ки ширкати итолиёии «Preston&Barbieri» ғолиби озмуни байналмилалии эълоннамудаи шаҳрдории Душанбе бобати дарёфти интихоби беҳтарин лоиҳа ва пудратчии асосии иҷрои корҳо дар самти таҳияи ҳуҷҷатҳои лоиҳавӣ — хароҷотии иншооти сохтмонаш нотамоми Аквапарки Душанбе мебошад. Франческо Феррари зикр намуд, ки Муассисаи давлатии «Боғи пойтахт», ки дар истеҳсол ва насби воситаҳои дилхушии замонавии он ширкати «Preston&Barbieri» ҳамчун ғолиби озмуни байналмилалӣ иштирок варзидааст, имкон дорад дар озмуни байналмилалӣ, ки ҳамасола миёни боғҳои дорои воситаҳои дилхушию фароғатӣ гузаронида мешавад, ширкат намояд. Чунин озмун дар соли 2015 дар шаҳри Маскав баргузор гардида, Ф. Ферарӣ аз М. Убайдуллоев хоҳиш намуд, барои ба озмун пешниҳод намудани Муассисаи давлатии «Боғи пойтахт» розигӣ диҳад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






