Коммунистҳо ҳам номзадҳояшонро пешбарӣ карданд

    Душанбе, 29.12.2014.(АМИТ «Ховар», Марзия Саидзода).- Дар анҷумани 31-уми пешазинтихоботи Ҳизби коммунистии Тоҷикистон, ки бо ҳузури 85 нафар вакил дар Душанбе баргузор гардид, 15 нафар ҳамчун номзад ба вакили Маҷлиси намояндагони Маҷлиси Олии Ҷумҳурии Тоҷикистон аз ҳавзаи ягонаи умумиҷумҳуриявӣ пешбарӣ гардиданд.  
           Шодӣ Шабдолов — раиси ҳизб, Исмоил Талбаков,  Мирзонаҷот Наботов, Нозимҷон Маҳмудов, Заррагул Мирасалова, Гулчеҳра Ёрматова, Фаридун Давлатов, София Султонова, Алишер Шарифов, Сафаргул Давлатёрова, Маҳмадалӣ Одинаев, Абдулло Хабиров, Ихтиёр Ашӯров, Нурулло Шулашов ва  Меҳроҷ Абдуллоев номзадҳо аз ҳизби коммунисти кишвар  ба интихоботи парлумонӣ мебошанд.
     Дар анҷуман ҳамзамон масоили марбут ба фаъолияти ҳизб ва дурнамои он мавриди баррасӣ қарор гирифтанд.
        Бояд  тазаккур  дод, ки Ҳизби коммунистии Тоҷикистон аз куҳантарин аҳзоби сиёсии кишвар маҳсуб ёфта,  дар сафи худ 45 ҳазор аъзо ва дар палатаи поёнии  Парлумони кишвар -Маҷлиси намояндагон низ намоянда дорад.