Курсҳои бозомӯзӣ барои танзимгарони ҷашну маросим

Кӯлоб,1.12.2014. (АМИТ  «Ховар», Сулаймони  Хол).-Аз соли 2014-ум ба Кодекси ҳуқуқвайронкунии маъмурии Ҷумҳурии Тоҷикистон тағйиру иловаҳо ворид шуданд ва бо мақсади ошно намудани кормандони бахшҳои дин ва танзими анъана, ҷашну маросимҳои назди мақомоти маҳаллӣ ва ҷамоатҳои деҳот бо ҷузъиёти ин тағйиру иловаҳо аз ҷониби Кумита оид ба корҳои дин ва танзими анъана ва ҷашну маросимҳои миллии назди Ҳукумати Ҷумҳурии Тоҷикистон дар шаҳру ноҳияҳо курсҳои бозомӯзӣ ба роҳ монда шуданд. 
Ин навбат кормандони кумита семинари бозомӯзиро бо мутахассисону кормандони шуъбаҳои дин ва танзими анъанаю ҷашну маросимҳои ноҳияхои Фархору Восеъ ва Ҳамадонӣ баргузор  намуданд. Инчунин ба ҳамаи иштирокчиён нусхаи нави Кодекси ҳуқуқвайронкунии маъмурӣ ва дастурамалҳо дастрас шуданд. Ба гуфти масъулон чунин бозомӯзиҳо дар ноҳияҳои тобеи ҷумҳурӣ ва вилояти Суғд гузаронида шуда,   рӯзҳои наздик дар вилояти Бадахшон низ доир мешаванд.