Куштор дар ҳолати мастӣ

Душанбе, 24. 12. 2014. (АМИТ «Ховар», Муқаддас Темурзода).-Зимни гузаронидани чорабиниҳои фаврӣ-ҷустуҷӯӣ аз ҷониби кормандони Шуъбаи ВКД дар ноҳияи Шоҳмансур шаҳрванд  Волков Евгений Анатолевич, соли таваллудаш 1987, сокини шаҳри Душанбе ҳамчун гумонбар дар содир намудани ҷинояти куштор дастгир  гардид.
ВКД ҶТ хабар медиҳад, ки номбурда рӯзи 22 декабр дар ҳолати мастӣ бо шаҳрванд  Агаджанов Григорий Олегович, соли таваллудаш 1967, сокини шаҳри Душанбе муноқиша  намуда,  якчанд маротиба бо шиша  ба сараш задааст. Дар натиҷа шаҳрванд Г.Агаджанов ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст. 
 Нисбат ба ҳодисаи мазкур парвандаи ҷиноятӣ оғоз гардида, тафтиш идома дорад.