Маҳфил бахшида ба Рӯзи маъюбон

Душанбе, 5.12.2014. (АМИТ «Ховар», Зарангези Латиф).- Имрӯз дар Китобхонаи миллии Тоҷикистон бахшида ба “Рӯзи байналмилалии маъюбон” чорабинии фарҳангӣ баргузор гардид. Дар чорабинӣ нобиноён ва маъюбони соҳибистеъдод иштирок намуданд. 
Дар маҳфил муовини директори китобхона Ҳ.Ализода оид ба ҳуқуқ ва имкониятҳои маъюбон дар ҷомеаи ҷаҳонӣ ҳарф зада, афзуд, ки ашхоси дорои иконияти маҳдуд дар ҷомеа низ ҳуқуқу имкониятҳои бештар  аз шахсони солимро  доранд ва аз ин рӯ бо мақсади бедор намудани ҳисси ватандӯстӣ ва ватанпарварӣ дар ниҳоди шахсони дорои имконияташон маҳдуд, нишон додани самимият ва эҳтироми табақаи солими ҷомеа нисбат ба онҳо китобхонаи миллӣ имрӯз онҳоро  дар гирди дастархони идона ба ҳам ҷамъ овард.