Маҳви 3000 бех бангдона дар Кӯҳистони Мастчоҳ

Айнӣ, 27.12.2014.(АМИТ «Ховар», Гулбаҳори Худойбердӣ).-Дар минтақаи Зарафшон шуъбаи Раёсати Агентии назорати маводи нашъаовари назди Президенти Ҷумҳурии Тоҷикистон дар 11 моҳи соли ҷорӣ дар самти мубориза бо муомилоти ғайриқонунии маводи нашъаовар 8 ҷиноятро ошкор ва 8 кг 784,89 грамм маводи нашъаовар, аз ҷумла 8 кг 734,46 грамм маводи нашъаовари навъи афюн, 2,77 грамм маводи нашъаовари  сахттаъсири героинро мусодира намуд. Дар натиҷаи гузаронидани амалиёти «Кӯкнор-2014» 3000 бех ниҳоли бангдонаи худрӯй дар ноҳияи Кӯҳистони Мастчоҳ дарёфт ва маҳв  шуд.
   Тавре ки муовини сардори шуъба Шӯҳратҷон Арбобов иброз намуд, барои содир намудани ин ҷиноятҳо 15 нафар шахси гунаҳкор ба ҷавобгарии ҷиноятӣ ва 6 нафар ба ҷавобгарии маъмурӣ кашида шуд.