Мавқеи дастаи мунтахаби Тоҷикистон оид ба футзал

Душанбе,  23.12.2014. (АМИТ «Ховар»).- Дастаи  мунтахаби  миллии  Тоҷикистон  оид ба  футзал  аз рӯи  раддабандии дастаҳои   мунтахаби  ҷаҳон бо  900  хол  дар  ҷойи 58 — ум  қарор  дорад.
Тавре  ки аз  Федератсияи  футболи  Тоҷикистон  хабар  доданд, дастаи  мунтахаби  Тоҷикистон  дар  байни  кишварҳои  пасошӯравӣ  мақоми  11 -умро  касб  намуда,  аз  Литва,  Туркманистон,  Арманистон, ва  Эстония  пеш  гузаштааст.
Дастаи  мунтахаби  кишвар  аз рӯи  раддабандӣ  дар  Осиё ҷойи  13 -умро  ишғол  менамояд. Дар  ин  гурӯҳ  ҷойҳои якум,  дуюм ва  сеюмро Эрон, Ҷопон ва  Таиланд  ишғол  менамоянд.
Ёдовар  мешавем, ки баъди дар мусобиқоти  Осиё — 2014 муваффақ  нашудани  дастаи  мунтахаби  Тоҷикистон  Ҳусейн  Шодиев  сармураббии  он таъйин  гардида,   бо  роҳбарии  номбурда  дар даври  интихобии  мусобиқоти  Осиё — 2016, ки  моҳи  ноябри  соли  оянда баргузор  мегардад,  иштирок  менамояд.