Муқоисаи арзёбии камбизоатӣ дар сатҳи миллӣ
Душанбе, 12.12.2014. (АМИТ Ховар, Ситораи Боймурод).- Таҷрибаҳои беҳтарини байналмилалӣ ва равишҳои миллии арзёбии камбизоатӣ дар меҳвари диққати конфронси байналмилалӣ, ки имрӯз дар Душанбе гузаронида шуд, қарор доштанд.Конфронси мазкур аз ҷониби Вазорати рушди иқтисод ва савдои Ҷумҳурии Тоҷикистон дар ҳамкорӣ бо Агентии омори назди Президенти Ҷумҳурии Тоҷикистон, Маркази тадқиқоти стратегии назди Президенти Ҷумҳурии Тоҷикистон ва Бонки ҷаҳонӣ ба ҳайси аъзои Шӯрои арзёбии камбизоатӣ ва синфи миёна ташкил гардид. Муовини аввали Сарвазир Давлаталӣ Саид ва мудири Бонки ҷаҳонӣ оид ба таҷрибаи камбизоатӣ дар Аврупо ва минтақаи Осиёи Марказӣ Каролина Санчез-Парамо чорабиниро ифтитоҳ намуданд, ки дар он намояндагони ҳукумат, ташкилотҳои донор, ВАО ва созмонҳои ҷомеаи шаҳрвандӣ низ иштирок варзиданд.Ҳадафи гузаронидани конфронс аз рӯнамоии усулҳои арзёбии камбизоатии ҷаҳонӣ ва маҳдудиятҳо, муқоиса намудани арзёбии камбизоатӣ дар сатҳи миллӣ ва муассисаҳо бо таҷрибаи байналмиллалӣ ва муҳокима намудани таълимоти миллии арзёбии камбизоатӣ дар Тоҷикистон иборат буд.