Муҳокимаи масоили ҷустуҷӯи тилло
Душанбе, 30.12.2014. (АМИТ «Ховар», Кристина Эрлих).- Чанде пеш дар Сарраёсати геологияи назди Ҳукумати Ҷумҳурии Тоҷикистон ҷаласаи васеи Комиссияи давлатии Ҷумҳурии Тоҷикистон оид ба захираҳои маъданҳои фоиданок баргузор гардид. Тавре ки аз хадамоти матбуоти Сарраёсати геологияи кишвар ба АМИТ «Ховар» хабар доданд, дар ҷаласа ҳисоботи геологии Корхонаи воҳидии «Экспедитсияи иктишофи геологии Муғиён» таҳти унвони «Ҷустуҷӯи муфассали тилло дар қисми аллохтонии қабати минтақавии Зарафшон (майдони Чулбоӣ) мавриди баррасӣ қарор гирифт. Мувофиқи суханони манбаъ, баъди муҳокимаи тӯлонии захираҳои тиллою нуқраи кони Канчоч (қитъаи Чулбоӣ) бо назардошти мулоҳизаҳои аъзои комиссия захираҳои зикршуда дар шакли варианти таҷрибавӣ тасдиқ шуданд.Ба ҳамин тариқ, захираҳои тиллою нуқраи кони Канчочи қитъаи Чулбоӣ дар ҳаҷми 32066, 7 килограмм тилло ва 13812,7 килограмм нуқра ба баланси давлатии ҷумҳурӣ ворид карда шуданд.Аъзои комиссияи давлатӣ пешниҳодро дар бораи давом додани иктишофи муфассали геологии қитъаи Чулбоии кони Канчоч маъқул ёфтанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






