Мулоқоти се генерал дар Покистон
Душанбе,23.12.2014. (АМИТ «Ховар».-Иброҳими Ҳабибуллоҳ).- Шаби гузашта собиқ президенти Амрико Ҷорҷ Буши калонӣ аз сабаби бемории роҳҳои нафас ба бемористони Ҳюстони Амрико интиқол дода шуд. Буш тақрибан ду моҳ пеш дар бемористон муолиҷа гирифта буд.
Душанбе,23.12.2014. (АМИТ «Ховар»).- Мувофиқи иттилои шабакаи интернетии Франс-пресс Президенти Ҷумҳурии Туркия Раҷаб Тайиб Эрдуғон дар як нишасти хабарӣ эълон намудааст, ки қасд дорад омӯзиши хатти арабиро дар мактабҳои Туркия дубора эҳё карда ва дарси забони туркии усмониро низ дар мактабҳои ин кишвар ҷорӣ намояд.
Душанбе,23.12.2014. (АМИТ «Ховар»).-Имрӯз 24 декабри соли 2014 дар шаҳри Минск-пойтахти Беларус музокироти ҳукумати Украина бо ҷудоихоҳони ҷонибдори Русия гузаронида мешавад. Гуфта мешавад, ки бо қарори дуҷониба намояндагони Украинаву Русия ва ҷудоихоҳон дар паси як миз бо ҳамроҳи намояндагони САҲА мулоқот меварзанд. Бояд гуфт, ки мулоқоти дуввуми ин гурӯҳ 26 декабр баргузор хоҳад шуд. Бо қарори парлумони Украина аз 23 декабри соли равон Украина ҳамчун кишвари ғайримуттааҳид эълон шуда, яъне ба узвияти ҳеҷ блоки низомӣ намедарояд, вале барои даромадан ба узвияти НАТО худро омода мекунад. Вале ин тасмимро Русия интиқод карда, онро “ғайридӯстона” номид.
Душанбе,23.12.2014. (АМИТ «Ховар»).- Дирӯз генерал Шермуҳаммад Каримӣ-раиси ситоди артиши Афғонистон ва генерал Роҳил Шариф-ҳамтои покистонӣ ва генерали амрикоӣ Ҷон Кемпбел-фармондеҳи аршади НАТО дар Афғонистон дар шаҳри Равалпиндии Покистон бо ҳам мулоқот намуданд. Қобили зикр аст, ки раҳбарони низомии Афғонистону Покистону Амрико ба як тавофуқ расида, бар зидди Толибон дар марзи муштараки миёни ду кишвар муборизаи муштарак анҷом хоҳанд дод.