Мусодираи беш аз 6 кило маводи нашъадор
Душанбе, 15.12.2014. (АМИТ «Ховар», Муқаддас Темурзода).- Дирӯз дар ҳудуди ноҳияи Фирдавсии шаҳри Душанбе аз ҷониби кормандони милитсия бо гумони даст доштан дар гардиши ғайриқонунии маводи мухаддир аз ҷониби кормандони милитсия шаҳрванд Аҳмад Ашӯров, соли таваллудаш 1989, сокини ноҳияи Хуросон дастгир гардид. Назар ба иттилои ВКД ҶТ, ҳангоми кофтукови шахсӣ аз дохили борхалтаи ӯ 5 кг 066 грамм маводи нашъадори афюн ва 1 кг 058 грамм маводи нашъадори ҳашиш дарёфт ва мусодира шуд. Нисбат ба далели мазкур парвандаи ҷиноятӣ оғоз гардида, тафтиш идома дорад.