Нақши молия дар рушди иқтисодиёти кишвар
Душанбе, 8.12.2014.(АМИТ «Ховар», Раъно Нусратуллозода).-Ҳамасола рӯзи 7 декабр чун иди кормандони мақомоти молия ҷашн гирифта мешавад. Ба муносибати ин сана ва 90-солагии Вазорати молияи Ҷумҳурии Тоҷикистон 6 декабри соли равон дар Донишкадаи молия ва иқтисоди Тоҷикистон (ДМИТ) чорабиниҳои идона — семинари илмӣ-амалӣ дар мавзӯи «Нақши молия дар рушди иқтисодиёти кишвар», маҳфили илмии «Коршиноси иқтисодӣ» ва консерт баргузор гардиданд.
Тавре ки котиби матбуоти донишкада Машҳура Абдуллоева иттилоъ дод, дар чорабинӣ ректори донишкада Ашурбой Солиев зикр намуд, ки ДМИТ аз тарафи муассиси худ-Вазорати молияи ҶТ пайваста дастгириву ҳамкории қавиро ҳам дар ҷодаи тайёр намудани мутахассисони соҳаи молия ва ҳам татбиқи лоиҳаҳои муштарак эҳсос менамояд, ки ҷиҳати идораи самараноки донишкада ва баланд бардоштани сифати таълим мусоидат мекунад.
Зикр шуд, ки бахши молия соҳаи муҳими иқтисодиёти миллиро, ки ба фаъолияти институтҳои молиявӣ алоқаманданд, дар бар мегирад ва дар даврони соҳибистиқлолӣ як силсила қонунҳо қабул гардиданд, ки барои рушди соҳаи молия дар кишвар заминаи ҳуқуқӣ гузоштанд.
Ҳамчунин гуфта шуд, ки дар солҳои истиқлолият бахши молияи иқтисодиёти миллӣ дар асоси талаботи ислоҳоти бозорӣ ва бо назардошти таҷрибаи давлатҳои мутараққӣ ташаккул ва инкишоф ёфт. Имрӯз соҳаи молия ба бахши муҳими иқтисодиёти миллӣ табдил ёфта, дар рушди иқтисодию иҷтимоии мамлакат нақши муҳим мебозад.
Фаъолияти самарабахши соҳаи молия, пеш аз ҳама, аз дараҷаи таъмин будани он бо кадрҳои баландихтисос вобаста аст ва ДМИТ ҳам дар омода намудани мутахассисони соҳа саҳми беназири худро мегузорад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






