Нахустнамоиши «Зиндагинома» дар театри Лоҳутӣ
Душанбе, 16.12.2014. (АМИТ «Ховар», Зарангези Латиф).- Бахшида ба 100- солагии композитори барҷастаи тоҷик Зиёдуллоҳи Шаҳидӣ бо ташаббуси Вазорати фарҳанги ҷумҳурӣ ва Театри давлатии академии драмавии ба номи Абулқосим Лоҳутӣ имрӯз нахустнамоиши «Зиндагинома» аз рӯи асари нависанда ва драматург Абдуғаффор Абдуҷабборов бо коргардонии Ҳунарпешаи халқии Тоҷикистон Давлат Убайдуллоев ба саҳна гузошта мешавад.Гуфта мешавад, ки намоиши мазкур имрӯз соати 17: 00 дар Театри давлатии академии драмавии ба номи Абулқосим Лоҳутӣ доир мегардад.Ёдрас мешавем, ки Зиёдулло Шаҳидӣ композитори барҷастаи тоҷик, Ҳунарпешаи халқии Тоҷикистон, Лауреати мукофоти давлатии Тоҷикистон ба номи Абӯабдулло Рӯдакӣ мебошад. Ӯ дастпарвари студияи миллии Консерваторияи давлатии Маскав, яке аз асосгузорони санъати касбии мусиқии тоҷик, муаллифи даҳҳо сурудҳои машҳур, аз ҷумла «Ватан-Ватан», «Зи сӯзи сина», «Иди Зафар» мебошад.Зиёдуллоҳи Шаҳидӣ аз ҷумлаи аввалин афроде буд, ки мусиқии миллии тоҷикиро бо созу навои симфонии аврупоӣ омезиш дод ва дар навиштани опера чира шуд. Нахустин асари калонҳаҷми ӯ операи “Комде ва Мадан” буд, ки барояш шӯҳрати ҷаҳонӣ овард. Ин опера, ки соли 1961 дар Театри опера ва балети ба номи С.Айнӣ ба саҳна гузошта шуд, аз ҷониби мухлисон хуб пазироӣ шуд ва аз ҷониби мунаққидони санъати мусиқӣ баҳои арзишманд гирифт. Гузашта аз ин барои ин опера муаллиф ба дарёфти ҷоизаи давлатӣ мушарраф гардид. Ҷашни 100-солагии Зиёдуллоҳи Шаҳидӣ аз ҷониби ЮНЕСКО пазируфта шуда, дар як силсила кишварҳои олам ҳамовозӣ пайдо кардааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






