Намоишномаи “Кони пурганҷ»
Душанбе, 03.12.2014. (АМИТ “Ховар”, Рафоати Абдулҳамид),- 5- ум ва 6- уми декабри соли равон дар Театри давлатии академии опера ва балети ба номи С. Айнӣ намоишномаи “Кони пурганҷ” баргузор мегардад. Намоишномаи “Кони пурганҷ” опереттои Шуҳрат Ашуров буда, дар бораи фикр ва рафтору амали ҷавононе нақл мекунад, ки касби душвори маъданҷӯиро пеша кардаанд ва кашфи конҳои пурганҷи диёр ба манфиати ояндаи халқу Ватан орзую ормонашон аст. Аксар қаҳрамонони намоишнома бо хислату хилқати пок, устуворию матонат ва ишқу садоқат намунаи ибрати донишҷӯёни муосири мо буда метавонанд ва ҳадафи муаллифон низ ҳамин пайванди маънавист. Дар ин роҳ ба монеаҳои зиёд дучор мешаванд, дар ҳаёташон воқеаҳои зиёди аҷоибу ғароиби ғайричашмдошту мароқовар рух медиҳанд, вале ҷӯшу хурӯши ҳақиқии ҷавонӣ, меҳри самимӣ ба касб, ватандӯстию масъулиятшиносӣ ва ишқу муҳаббати пок мададашон мекунад, ки оқибат ба орзуи наҷиби худ бирасанд. Онҳо гуфтанианд, ки кони асосиву пурганҷтарини халқу диёри мо анна ҳамин ҷавонони донову тавоно ва ҷӯяндаву ёбандаанд. Ёдовар мешавем, ки намоиши мазкур рӯзи 5- уми декабр соати 12:00 ва рӯзи 6- уми декабр соати 14:00 баргузор мегардад.








Имрӯз дар Тоҷикистон ҳавои тағйиёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд






