Навои танбӯр

Душанбе, 4.12.2014. (АМИТ «Ховар», Раъно Нусратуллозода).-Дар  факултаи санъати Донишгоҳи давлатии Хуҷанд  бахшида ба зодрӯзи  устоди факултаи  санъати донишгоҳ Ҳамроқул Ҷӯраев  маҳфили фарҳангию  ҳунарӣ баргузор гардид. Ректори донишгоҳ Анвар Мақсудов гуфт, ки дар ҳаёт шахсиятҳое ҳастанд, ки бо хизмати арзанда ва мондагори худ дар назди ҷомеа ва Ватан ҳамчун машъали тобон дар равшан кардани роҳи ояндаи дурахшон хизмат мекунанд. Ҳамроқул Ҷӯраев  дар факултаи санъати Донишгоҳи давлатии Хуҷанд ҳамчун омӯзгори калон кор карда, ба донишҷӯён аз ихтисоси танбӯр ва ансамбл дарс медиҳад ва нозукиҳои санъати мусиқиро меомӯзонад. Устод Ҳамроқул Ҷӯраев иштирокчии якчанд фестивал-симпозумҳои ҷумҳуриявӣ ва байналмиллалӣ мебошад.