Нишастҳои хабарӣ оғоз меёбанд
Душанбе, 26.12.2014 (АМИТ «Ховар», Фарзонаи Давлат).- Аз 5-ум то 30-юми январи соли 2015 ҳисоботи солонаи вазорату корхонаҳои давлатӣ оғоз мегарданд.
Дар нишастҳои хабарие, ки аз ҷониби вазорату корхонаҳои давлатӣ гузаронида мешаванд, дар назар аст онҳо фаъолияти яксола ва нақшаҳои соли ояндаи худро ба хабарнигорон ироа намоянд.
Ҳамчунин донишгоҳу донишкадаҳои кишвар низ фаъолияти яксолаи худро ҷамъбаст намуда, барои ВАО пешниҳод хоҳанд кард.
Ҷамъбасти солона дар вилоятҳо ва шаҳру ноҳияҳои кишвар низ аз 5-ум то 30-юми январи соли оянда дар назар аст.