Оғози марҳалаи дуюми Мактаби журналистикаи бахши телевизион

Душанбе,  12.12.2014. (АМИТ «Ховар»,  Фарзона  Достона).- Аз  15  то  19  декабр  дар  шаҳри  Душанбе  марҳалаи  дуюми  Мактаби журналистикаи бахши телевизиони  лоиҳаи «Маркази  рушди  таҳсилоти  журналистӣ»  баргузор  мешавад. 
Тавре  ки  аз  Созмони ҷамъиятии  «Хома»  хабар  доданд, ҳадафи  марҳалаи  дуюми  омӯзиш   иборат  аз   омӯхтани   усулу   нозукиҳои таҳияи  гузориши  махсус  ва  такмили  малакаҳои  фаъолияти  журналистон  ва  наворбардорон  мебошад. 
Иштирокдорони  Мактаби  журналистикаи бахши  телевизион иборат  аз 20  нафар журналисону  наворбардорони  шабакаҳои   давлатию  мустақили   телевизионии  кишвар  бо ҳамаи   намудҳои  гузориш   шиносоӣ   пайдо  мекунанд.
Дар  ҳошияи  Мактаби  журналистикаи бахши  телевизион маводҳои   барои  озмун   пешниҳодшуда  мавриди баррасӣ  қарор  гирифта,  натиҷаи  озмун  дар  аввалҳои  моҳи  январи  соли  2015  эълон  гардида ва  ғолибони он  барои  таҳсил  ба  яке  аз  шабакаҳои  асосии  телевизионҳои  ИДМ  фиристода  мешаванд.