Оғози тантанаҳои идона ба пешвози ҷашни Ҳисор

Ҳисор, 29.12.2014. (АМИТ “Ховар” Ҳотами Шариф).- Бо мақсади баланд бардоштани маънавиёти шаҳрвандон, бахусус насли наврас дар рӯҳияи хештаншиносӣ, ватандӯстӣ ва ифтихори миллӣ озмуни ноҳиявии фарҳангӣ бо номи  “Ҳисор- 3 ҳазор сол” оғоз гардид.
Озмун бахшида ба сеҳазорсолагии Ҳисор дар байни ҷамоатҳои шаҳраку деҳот, марказҳои фарҳангию фароғатӣ, китобхонаҳою осорхонаҳо баргузор мегардад. Озмун аз даҳ шарт иборат буда, аз ҷониби ҳайати ҳакамон баҳогузорӣ ва ғолибон бо туҳфаҳои арзанда қадрдонӣ хоҳанд шуд. Озмуни мазкур аллакай дар ҷамоати Деҳқонобод ва  Алмосӣ  баргузор гардид.