Оқибати бади ихтилофот

Душанбе,  30.12.2014. (АМИТ «Ховар», Муқаддас  Темурзода).- Тавре  ки  аз хадамоти  матбуоти  ВКД ҶТ  ба  АМИТ «Ховар»  хабар  доданд, кормандони  милиса  сокини  23 — солаи ноҳияи  Рӯдакӣ Ҷалолиддин  Ойматовро  бо  гумонбари куштор дастгир  намуданд. 
Мувофиқи  маълумоти  манбаъ,  шахси  гумонбаршуда ҳафтаи  гузашта  амакбачаи 23 — солааш  Сироҷиддин  Ойматовро  латукӯб карда,  аз  маҳалли  воқеа  ғайб  зад. Ҷабрдида бар  асари  ин  ҳодиса  захмҳои  вазнин  бардошта дар маҳалли  воқеа  ҳалок  шуд.
Аз рӯи  ин  ҳодиса  парвандаи  ҷиноӣ  кушода, тафтишот  идома дорад.