Офиятбахшии шахсони имкониятҳояшон маҳдуд

Декабрь 4, 2014 15:32

Душанбе,  04.12.2014. (АМИТ «Ховар»,  Кристина  Эрлих).- 2  декабр  дар  шаҳри  Душанбе  конфронси  миллӣ  оид ба  баланд  бардоштани  сифати   зиндагии шахсони   имкониятҳояшон  маҳдуди  Тоҷикистон  бо назардошти   офиятбахшӣ  дар  сатҳи  ҷамоаҳо баргузор гардид.
Конфронсро Вазорати   тандурустӣ ва  ҳифзи  иҷтимоии  аҳолии  ҶТ якҷоя  бо  дафтари Маркази созмони   умумиҷаҳонии  тандурустӣ  дар  ҶТ  ва иштироки вазоратҳои  дигари  дахлдор,  созмонҳои ҷомеаи  шаҳрвандӣ  ва ташкилотҳои  маъюбон роҳандозӣ  намуданд. 
Агентии  ИМА  оид ба рушди байналмилалӣ, Барномаи  рушди Созмони  Милали  Муттаҳид  ва Хазинаи  кӯдакони Созмони  Милали  Муттаҳид рӯи  кор  овардани   конфронсро   фаъолона   дастгирӣ  намуданд. 
Дар  ин  бора  аз хадамоти  матбуоти  Вазорати тандурустӣ ва  ҳифзи  иҷтимоии  аҳолии  ҶТ  ба  АМИТ «Ховар»  хабар  доданд.
Дар  Тоҷикистон  офиятбахшӣ  дар   сатҳи  ҷамоаҳо   соли  1978 ба  ҳайси   стратегияи  беҳдошти  дастрасӣ  ба   хидматрасонии  офиятбахшии   шахсони  имконияташон  маҳдуд  ва истифодаи  пурраи   захираҳои  маҳаллӣ оғоз ёфта  буд.  Тайи  30  соли охир дар  ҳошияи  ҳамкорӣ  бо созмонҳои  СММ,  ташкилотҳои  ғайриҳукуматӣ  ва  созмонҳои  кор  бо  маъюбон  офиятбахшӣ  дар  сатҳи ҷамоаҳо  ба  стратегияи серсоҳа барои   қонеъ  гардонидани  талаботи   шахсони   имкониятҳояшон маҳдуд,  таъмини   иштироки онҳо  дар  амри  баланд  бардоштани  сифати  зиндагӣ  табдил  ёфт.
Конфронс   беш  аз  350  нафар   намояндагони  бахшҳои  мухталифи   саросари   кишвар   аз  рӯи  масоили   маъюбиятро  гирд  овард. Дар  он   масоили   мухталифи  маъюбият,  ҳамчунин  саъю  кӯшишҳо  ба  манзури  баланд  бардоштани  сифати  зиндагии шахсони  имкониятҳояшон  маҳдуд  ва  хонаводаҳои онҳо   баррасӣ  шуданд.

Декабрь 4, 2014 15:32

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд