Омодагии Воҳиди махсуси ВКД барои қабули меҳмонон

Декабрь 18, 2014 14:55

Душанбе, 17.12.2014. (АМИТ «Ховар», Муқаддас Темурзода).-Ҳафтаи равон муоинаи сафороии ҳайати шахсии Воҳиди махсуси Вазорати корҳои дохилии Ҷумҳурии Тоҷикистон оид ба таъмини бехатарӣ ва амният дар самтҳои ҳаракати Сарвари Давлат ва меҳмонони олиқадр доир гардид.
ВКД  ҶТ хабар медиҳад, ки бо дастгирии вазири корҳои дохилӣ Раҳимзода Рамазон Ҳамро тамоми ҳайати шахсии Воҳиди махсус бо  либоси зимистона таъмин гардида,  бо шароити мусоиди хизмат фаро гирифта шуд.  
Мавриди зикр аст, ки баъди ба макони нав кӯчонида шудани Воҳиди махсуси Вазорати корҳои дохилии Ҷумҳурии Тоҷикистон иншооти он бо тарҳи замонавӣ сохта шуда, қисми навбатдорӣ, утоқҳои кории кормандон, маҷлисгоҳ, ҷойи хоб (казарма)-и кормандони хадамоти патрулӣ-пайроҳадорӣ, ошхона, ҳаммом, мағозаи фурӯши молҳои ҳарбӣ ва дигар иншооти Воҳиди махсус бо тамоми таҷҳизоти зарурӣ таъмин шуданд.
Зимни муоинаи сафороӣ сардори Воҳиди махсус Бароталӣ Ҳамидзода барои бартараф намудани камбудию норасоиҳо ба ҳайати шахсӣ супоришҳо дода, таъкид намуд, ки вазифаҳои хизматиро софдилонаю содиқона иҷро намоянд.   Қобили зикр аст, ки Воҳиди махсуси Вазорати корҳои дохилӣ, яке аз сохторҳои мақомоти милитсия мебошад, ки  дар таъмини амният ва бехатарии ҳаракат дар роҳҳои кишвар ҳангоми ҳаракати Сарвари Давлат, пешвоз ва гуселонидани меҳмонони олиқадр, пешгирӣ ва мубориза бо ҷинояткорӣ нақши арзанда дорад.
 

Декабрь 18, 2014 14:55

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд