Ошкоршавии сӯиқасд ба куштор
Душанбе, 18.12.2014. (АМИТ «Ховар», Муқаддас Темурзода).-Аз ҷониби кормандони шуъбаи ВКД дар ноҳияи Ёвон ҳамчун гумонбар дар сӯиқасд ба куштор шаҳрванд Муҳаммад Тағоев, соли таваллудаш 1980, корманди ширкати “Ориёно”, сокини кӯчаи Одинаеви ҳамин ноҳия дастгир гардид.Назар ба иттилои ВКД ҶТ, номбурда дирӯз, соати 12:30 дақиқа, аз рӯи хусумати пешакӣ бо истифода аз корди ошхонагӣ ба бадани ҳамкораш Музаффар Ғафуров, соли таваллудаш 1960, сокини деҳаи Чироғчӣ зада, қасди куштор намудааст. Дар натиҷа М. Ғафуров ҷароҳатҳои ҷисмонӣ бардошта, дар беморхона бистарӣ гардидааст. Аз рӯи ин ҳодиса парвандаи ҷиноятӣ оғоз гардида, тафтиш идома дорад.