Пасандозҳои шахсони воқеӣ афзуданд

Душанбе, 29.12.2014. (АМИТ «Ховар», Покизаи Шодмон). — Бақияи пасандозҳо дар интиҳои моҳи ноябри соли ҷорӣ нисбат ба ҳамин давраи соли қаблӣ 19,5 фоиз афзуда, ба 6’555 млн. сомонӣ баробар шуд. Аз рӯи иттилои хадамоти матбуоти Бонки миллии Тоҷикистон дар таркиби бақияи пасандозҳо дар ин давра ҷалби маблағҳои шахсони воқеӣ нисбат ба шахсони ҳуқуқӣ бештар гардидааст. Аз ҷумла, 36% ё 2,3 млрд. сомониро пасандозҳои шахсони ҳуқуқӣ ва 64% ё 4,2 млрд. сомониро пасандозҳои шахсони воқеӣ ташкил доданд. Фоизҳои миёнавазни пасандозҳо дар ин давра бо пули миллӣ 15,15 фоиз ва бо асъори хориҷӣ 11,98 фоизи солонаро ташкил намуд, ки назар ба ҳамин давраи соли гузашта мутаносибан 68%паст ва 36% баланд мебошанд. Дар ин бора аз Хадамоти матбуоти БМТ иттилоъ доданд.