Пешбарии 15 номзад аз ҲАТ ба интихоботи парлумонӣ

Душанбе, 18.12.2014. (АМИТ «Ховар», Бекназари Абӯбакр). — Имрӯз дар шаҳри Душанбе Анҷумани VI Ҳизби аграрии Тоҷикистон (ҲАТ) доир гардид. Дар анҷуман Рустам Латифзода ба ҳайси раиси ҲАТ интихоб гардид. Р. Латифзода дар анҷуман зикр намуд, ки Ҳизби аграрии Тоҷикистон ҷиҳати иштирок дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон аз оғози соли ҷорӣ омодагӣ гирифта, бо номзадҳои арзанда дар ин маъракаи муҳими сиёсӣ фаъолона иштирок менамояд. Вакилони Анҷумани VI Ҳизби аграрии Тоҷикистон 15 нафар аъзои ҲАТ-ро ҳамчун номзад ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи ягонаи умумиҷумҳуриявӣ пешбарӣ намуданд.Бояд гуфт, ки дар ин анҷуман масъалаҳои дигари мавриди таваҷҷуҳи вакилони ҳизб низ баррасӣ гардиданд.